Dövlət dili normalarını pozanlar cərimələnəcək - Prezident qanunu imzaladı

24 iyun 2020 15:04:15

Prezident İlham Əliyev Azərbaycan Respublikasının İnzibati Xətalar Məcəlləsində dəyişiklik edilməsi haqqında Qanunu təsdiq edib.

Zəfər.az xəbər verir ki, Məcəlləyə əlavə edilən 533-1 maddəsində göstərilir ki, kütləvi informasiya vasitələrində və reklam daşıyıcılarında dövlət dili normalarının pozulmasına görə - fiziki şəxslər yüz manatdan iki yüz manatadək məbləğdə, vəzifəli şəxslər üç yüz manatdan dörd yüz manatadək məbləğdə, hüquqi şəxslər beş yüz manatdan min manatadək məbləğdə cərimə edilir.