İki “Aprel şəhidi”nin ailəsinə mənzil verildi

07 oktyabr 2019 14:24:23

"ZƏFƏR" Şəhid Ailələrinə Dəstək İctimai Birliyinin təşəbbüsü ilə Aprel döyüşlərində qəhrəmancasına şəhid olan şəhidlərimiz gizirlər Rahim Tağıyevin və Rüstəm Əhmədovun ailələrinə Müdafiə Nazirliyi tərəfindən mənzil verilib.

Bu barədə zefer.az-a Aprel şəhidi Raquf Orucovun həyat yoldaşı, "Zəfər" Şəhid Ailələrinə Dəstək İctimai Birliyinin sədri Sevinc Alızadə məlumat verib.

S.Alıyeva bildirib ki, şəhid ailələrinin mənzil problemi var idi:

“Ailələr üçün təqdimatı mən vermişdim. Hər iki şəhid ailəsi Mingəçevirdə yaşadığı üçün onlara yaxın olduğundan Gəncə şəhərində mənzil verilib. Rəsmiləşdirmə bu gün olub. Gizir Rahim Tağıyevin ailəsi 4 otaqlı, Rüstəm Əhmədovun ailəsi ilə 2 otaqlı mənzillə təmin olunub".

Xatırladaq ki, Aprel şəhidi Rahim Tağıyevin 3 övladı, Rüstəm Əhmədovun isə 2 övladı var.