Azərbaycan muzeylərinə virtual səyahət başlayır

07 may 2020 10:51:36

Finlandiya azərbaycanlıları Azərbaycan muzeylərinə virtual səyahət layihəsinə start verir.

Zəfər.Az bildirir ki, bu barədə Modern.az-a Skandinaviya Azərbaycanlıları Şurasının Finlandiya üzrə əlaqələndiricisi, “Azər-Türk” gənclər təşkilatının sədri Ülviyyə Cabbarova məlumat verib.

“İlk səyahətimiz Quba şəhərindəki “Quba Soyqırımı Memorial Kompleksi”nə olacaq. Bu ilin 7 may tarixində sözügedən Kompleksdən canlı olaraq sizi “Zoom” proqramı vasitəsilə seminara dəvət edirəm. Öncə “Zoom meeting” programını yükləməlisiniz və sonra göndərdiyim linkə daxil olaraq, proqrama qoşulacaqsınız. Proqram Bakı vaxtı ilə saat 15.00-da başlayacaq. Xahiş edirəm ki, fəal olaq”, - deyə, Ü.Cabbarova yaydığı bəyanatda bildirib.

O qeyd edib ki, bu səyahətə yerli və digər xalqların nümayəndələri də qoşulacaq.