İqtisadi dəstək və sosial müdafiə proqramlarının detalları açıqlandı

05 aprel 2020 13:25:35

İqtisadi dəstək və sosial müdafiə proqramlarının detalları açıqlanıb. Zəfər.az-ın Modern.az-a istinadən məlumatına görə, bu barədə Nazirlər Kabinetinin mətbuat katibi İbrahim Məmmədov məlumat verib. Sosial dəstək aşağıdakı istiqamətləri əhatə edəcək:

1. Pandemiyadan zərər çəkmiş sahələrdə fəaliyyət göstərən 44 min sahibkarlıq subyektində çalışan 304 min muzdlu işçinin əməkhaqlarının ödənilməsi üçün birbaşa maliyyə dəstəyi proqramı;

2. 292 min fərdi mikrobiznes subyektinə və fərdi sahibkarlara maliyyə dəstəyi proqramı;

• Vergi güzəştləri, imtiyazları və tətilləri proqramı;
  
  4. Yeni verilən bank kreditləri üzrə kredit zəmanəti dəstəyi proqramı. Bu proqramın həcmi 500 milyon manat təşkil edir;
  
  5. Sahibkarlıq subyektlərinin mövcud kredit portfeli üzrə kredit zəmanət dəstəyi proqramı;
  
  6. Əhalinin maddi vəziyyətinin dəstəklənməsi üçün sosial paket;
  
  7. Sosial baxımdan həssas əhali qrupuna aid edilən ailələrin üzvü olan tələbələrin təhsil haqqı xərclərinin ödənilməsinə dəstək proqramının müzakirəsi gedir;
  
  8. İpoteka və kredit zəmanət mexanizminə maliyyə dəstəyi proqramı;
  
  9. Əhalinin kommunal ödənişlərə, ilk növbədə, elektrik enerjisinə mövsümü nəzərə alaraq dəstək proqramı;
  
  10. Həyati vacib sərnişindaşıma fəaliyyəti ilə məşğul olan dövlət və özəl şirkətlərlə bağlı məqsədli proqram.