Şəhid övladları COP29-da iştirak ediblər!

18 noyabr 2024 12:39:25

Azərbaycan Respublikasının Elm və Təhsil Nazirliyinin təşkilatçılığı və "Zəfər" Şəhid Ailələrinə Dəstək İctimai Birliyinin tərəfdaşlığı ilə orta məktəbdə təhsil alan 20 şəhid övladı COP29 Yaşıl Zonasını ziyarət ediblər.

Burada müxtəlif dövlət və qurumların pavilyonları ilə tanış olan şəhid övladları, həmçinin "Shokki Mokki" və "EkoSfera - Sosial Ekoloji Mərkəz" tərəfindən təşkil olunan masterklasslara qatılıblar.

Sonda iştirakçılara "Azersun Holding" və COP29 Əməliyyat Şirkəti tərəfindən sertifikat və xatirə hədiyyələri təqdim olunub.