Gəncədə 8 Mart münasibəti ilə şəhid ailələrinin qadın üzvləri üçün tədbir keçirilib - FOTOLAR

07 mart 2023 16:25:20

Gəncədə 8 mart-Beynəlxalq Qadınlar Günü münasibətilə şəhid ailələrinin qadın üzvləri üçün bayram tədbiri keçirilib

Martın 7-də Dini Qurumlarla İş üzrə Dövlət Komitəsinin tabeliyində Mənəvi Dəyərlərin Təbliği Fondunun maliyyə dəstəyi, “Zəfər” Şəhid Ailələrinə Dəstək İctimai Birliyi, Gəncə şəhər İcra Hakimiyyəti və Gəncə şəhər Böyük Bağmanlar məhəlləsi “Həzrəti Zeynəb” məscidi dini icmasının birgə təşkilatçılığı ilə Gəncə şəhərində 8 mart - Beynəlxalq Qadınlar Günü münasibətilə şəhid ailələrinin xanım üzvləri üçün bayram tədbiri keçirilib. Tədbirdə Fondun icraçı direktoru Mehman İsmayılov, “Zəfər” Şəhid Ailələrinə Dəstək İctimai Birliyinin sədri Sevinc Alızadə, Gəncə şəhər İcra Hakimiyyətinin əməkdaşı Sənubər Qocayeva, Dini Qurumlarla İş üzrə Dövlət Komitəsinin Gəncə bölgəsi üzrə şöbəsinin müdiri Həsən Məmmədov, şəhid ailələrinin xanım üzvləri və ictimaiyyət nümayəndələri iştirak edib.

Tədbirdə çıxış edən natiqlər şəhid ailələrinin qadın üzvlərini 8 mart-Beynəlxalq Qadınlar Günü münasibəti ilə təbrik edib, ölkəmizdə qadınlara göstərilən dövlət qayğısından və onların cəmiyyətdə tutduqları yüksək mövqedən söhbət açıblar. Daha sonra tədbir bədii hissə ilə davam edib.

Sonda şəhidlərin əziz xatirəsi yad edilib və onların ruhuna dualar oxunub.