Koronavirusdan necə qorunmalıyıq? - SOSİAL ÇARX

19 mart 2020 11:55:28

Vergilər Nazirliyi koronavirus pandemiyası ilə bağlı əhalinin maarifləndirilməsi və məlumatlandırılması istiqamətində sosial məsuliyyət tədbirlərini davam etdirir.

Vergilər Nazirliyinin Media və Kommunikasiya İdarəsindən Zəfər.Az-a bildirilib ki, koronavirusla mübarizənin səmərəliliyinin artırılması, əhalinin təlaşa düşməməsi və sadə gigiyena qaydalarına riayət etməsinin təşviqi məqsədilə, nazirliyin Media və kommunikasiya idarəsi doğru davranış qaydalarından bəhs edən “Koronavirusdan necə qorunmalıyıq?”, “Koronavirusdan qorunmaq üçün ticarət obyektlərində necə davranmalıyıq?” başlıqlı sosial çarxlar hazırlayıb.

Bundan başqa, “Tibbi maskalardan nə zaman və necə istifadə etməliyik?”, “Koronavirusdan qorunmaq üçün əllərimizi necə yumalıyıq?”, “Yaşlıları koronavirusdan qoruyaq!” və digər mövzularda məlumatlandırma xarakterli çarxlar da hazırlanır.

Təbliğat və təşviqat materiallarını yükləmək üçün aşağıdakı keçiddən istifadə edə bilərsiniz:

“Koronavirusdan necə qorunmalıyıq?”

Ticarət mərkəzlərində necə davranmalıyıq.

Koronavirusdan qorunma qaydalarına riayət edək