Rusiya Xəzərdəki döyüş gəmilərini Qara dənizə göndərdi

14 aprel 2021 09:37:49

Rusiya 15 döyüş gəmisini və Xəzər donanmasına aid gəmiləri Qara dənizə göndərib.

Zəfər.az xəbər verir ki, bu barədə Rusiya Müdafiə Nazirliyi məlumat yayıb.

Bildirilib ki, gəmilər rus hərbi qüvvələrinin yoxlamaları çərçivəsində Qara dənizə göndərilib.

Qeyd edək ki, Rusiya XİN bu gün ABŞ-ın Ukraynaya verdiyi hərbi dəstəyi Rusiyanın təhlükəsizliyinə meydan oxuma” kimi dəyərləndirib. Rusiya xarici işlər nazirinin köməkçisi Sergey Ryabkov ABŞ-a Qara dənizdən uzaq durmaqla bağlı xəbərdarlıq edib.

“Rusiya öz təhlükəsizliyini qorumaq üçün lazımi hər şeyi edəcək”, - açıqlamada deyilir.

Ryabkovun sözlərinə görə, ABŞ Rusiyanın “gücünü test edir”:

“Sahillərimizə yaxın, Amerikan döyüş gəmilərinin qətiyyən heç bir şeyi yoxdur. Bunlar tamamilə, sözün həqiqi məasında təhrikedici fəaliyyətlərdir. Bizim gücümüzü test edirlər, əsəblərimizlə oynayırlar. İstədiklərinə nail olmayacaqlar”.

Ryabkov ABŞ donanmasının öz bazalarından minlərlə kilometr uzaqdakı manevrlərini “geosiyasi bir vasitə” olaraq qiymətləndirib:

“Görünür, ABŞ özünü dənizlərin hökmdarı kimi hiss edir. ABŞ-ı Krımdan, Qara dəniz sahillərimizdən uzaq durmaq mövzusunda xəbərdar edirik. Bu, onların yaxşılığı üçün olacaq”.(Modern.az)