Daha 106 cəsəd Ermənistana təhvil verildi

17 fevral 2021 10:57:15

Qarabağdakı hərbi əməliyyatlarda məhv edilmiş daha 106 erməni hərbçinin cəsədinin qalıqları aşkarlanıb.

Zəfər.az xəbər verir ki, bu barədə "Sputnk Armeniya" məlumat yayıb.

Bildirilib ki, əldə edilən razılaşmalara əsasən, Rusiya sülhməramlı kontingentinin vasitəçiliyi ilə Azərbaycan tərəfi bu gün qarşı tərəfə 44 günlük müharibədə məhv edilmiş 106 cəsədin qalıqlarını təhvil verib.

Qeyd olunub ki, ölənlərin cəsədlərinin axtarışı davam edir.

Bundan əlavə, bildirilib ki, tərəflər 1990-cı illər müharibəsində həlak olanların qalıqlarının axtarışı və mübadiləsi üçün səy göstərirlər.

Qeyd edək ki, müharibənin başa çatmasından sonra döyüş bölgəsində 1379 erməni hərbçinin cəsədi aşkar edilib.(Modern.az)