Hava hücumundan müdafiə sistemləri Xankəndidən Zəngəzura KÖÇÜRÜLÜR

03 fevral 2021 10:22:54

Ermənistan Azərbaycan ərazilərindən çəkilməyə davam edir.

Zəfər.Az Modern.az-a istinadən xəbər verir ki, hava hücumundan müdafiə sistemlərinin Xankəndidən çıxarıldığı bildirilir.

Əsasən, “9K33 Osa”, “9K35 Strela-10” özüyeriyən zenit raket kompleksləri və “9K38 İqla” zenit-raket kompleksindən ibarət sistemlər Ermənistanın Gorus şəhərinə aparılır. Hərbi kolonu Rusiya sülhməramlıları müşaiyət edir.

Azərbaycan Ordusu 44 günlük döyüşlər zamanı düşmənin Hava Hücumundan Müdafiə Sisteminin böyük hissəsini darmadağın etdiyindən bölgədən çıxarılan hərbi texnikanın sayı cüzidir.

Xəqani Əliyev