Bərdəyə atılan “Smerç” raketlərinin qalıqları - FOTO

29 oktyabr 2020 17:12:51

Ermənistan silahlı qüvvələrinin Bərdə rayonunu atəşə tutması nəticəsində aşkar edilən raket qalıqları toplanıb.

Zəfər.Az-ın verdiyi məlumata görə, raket qalıqları ANAM əməkdaşları tərəfindən aşkar edilərək götürülüb. Raket qalıqları təhlükəsizlik məqsədilə xüsusi ayrılmış əraziyə aparılaraq orada zərərsizləşdiriləcək.

Xatırladaq ki, oktyabrın 27-si və 28-də Ermənistan silahlı qüvvələri Bərdə rayonunda dinc sakinlərin yaşadığı əraziləri raket atəşinə tutub. Hadisə nəticəsində 21 nəfər həlak olub, 70 nəfərə yaxın şəxs isə yaralanıb.