Əsgər Əbdülməcid Nadirşah oğlu Axundov

 

DOĞUM TARİXİ:

15.10.1993

 

DOĞUM YERİ:

Azərbaycan, Sumqayıt şəhəri

 

ŞƏHİD OLDUĞU TARİX:

02.04.2016

 

ŞƏHİD OLDUĞU YER:

Ağdərə rayonu, Talış kəndi, Talış yüksəkliyi

 

DƏFN EDİLDİYİ YER:

Sumqayıt şəhər Şəhidlər Xiyabanı

 

AİLƏ VƏZİYYƏTİ:

Subay idi

 

TƏLTİF VƏ MÜKAFATLARI: 

  — "Hərbi xidmətdə fərqlənməyə görə" III dərəcəli medalı

 

 

ƏBDÜLMƏCİD NADİRŞAH OĞLU AXUNDOV

 

Əbdülməcid Axundov 1993-cü ilin 15 oktyabr günündə Sumqayıt şəhərində Nadirşah və Ceyran Axundovaların ailəsində anadan olub. 2010-cu ildə Sumqayıt şəhərində yerləşən 16 saylı tam orta məktəbi bitirən Əbdülməcid Axundov elə həmin il Azərbaycan Texniki Universitetinə daxil olub.

 

Zəfər.Az saytı bildirir ki, Əsgər Əbdülməcid Axundov 2016-cı ilin aprel ayında Azərbaycan-Ermənistan təmas xəttində baş verən "Aprel döyüşləri" zamanı qəhrəmancasına şəhid olub.

 

Aprelin 9-u isə Əbdülməcid Axundov doğulduğu Sumqayıt şəhərinin Şəhidlər Xiyabanında son mənzilə yola salınıb. Dəfn mərasiminə minlərlə şəhər sakini ilə yanaşı, şəhidin qulluq etdiyi hərbi hissənin əsgərləri və zabitləri də qatılıb. Dəfn mərasiminin sonunda yaylım atəşi açılıb və əsgər Axundov uğrunda şəhid olduğu torpağa tapşırılıb.

 

Əbdülməcid Axundov ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilib.