Çavuş Təbriz Hamlet oğlu Əsgərov

DOĞUM TARİXİ:

12.01.1993

DOĞUM YERİ:

Azərbaycan, Şəmkir şəhəri

ŞƏHİD OLDUĞU TARİX:

05.04.2016

ŞƏHİD OLDUĞU YER:

Cəbrayıl rayonu, Cocuq Mərcanlı kəndi, Lələtəpə yüksəkliyi

DƏFN EDİLDİYİ YER:

Şəmkir rayonu, Morul kəndi

AİLƏ VƏZİYYƏTİ:

Subay idi

TƏLTİF VƏ MÜKAFATLARI:

— "Hərbi xidmətdə fərqlənməyə görə" III dərəcəli medalı

TƏBRİZ HAMLET OĞLU ƏSGƏROV

Təbriz Hamlet oğlu Əsgərov 1993-cü ilin 12 yanvar günündə Şəmkir şəhərində anadan olub. Təbriz Əsgərov 2010-cu ildə Şəmkir şəhərində yerləşən Nizami Gəncəvi adına tam orta məktəbi bitirib.

Çavuş Təbriz Əsgərov 2016-cı ilin aprel ayında Azərbaycan-Ermənistan təmas xəttində baş verən "Aprel döyüşləri" zamanı qəhrəmancasına şəhid olub.

Aprelin 6-sı isə Təbriz Əsgərov Şəmkir rayonunun Morul kəndində son mənzilə yola salınıb. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatılıb. Dəfn mərasiminin sonunda yaylım atəşi açılıb və çavuş Əsgərov uğrunda şəhid olduğu torpağa tapşırılıb.

Təbriz Əsgərov ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilib.