Kiçik çavuş Hüseyn Zeynal oğlu Dəmirli

 

DOĞUM TARİXİ:

04.08.1993 

 

DOĞUM YERİ:

Azərbaycan, Biləsuvar şəhəri 

 

ŞƏHİD OLDUĞU TARİX:

04.04.2016

 

ŞƏHİD OLDUĞU YER:

Cəbrayıl rayonu, Cocuq Mərcanlı kəndi, Lələ təpə yüksəkliyi

 

DƏFN EDİLDİYİ YER:

Biləsuvar şəhəri

 

AİLƏ VƏZİYYƏTİ:

Subay idi

 

TƏLTİF VƏ MÜKAFATLARI: 

  — "Hərbi xidmətdə fərqlənməyə görə" III dərəcəli medalı

 

 

HÜSEY ZEYNAL OĞLU DƏMİRLİ

 

 Hüseyn Zenal oğlu Dəmirli 1993-cü ilin 4 avqust günündə Biləsuvar şəhərində anadan olub.

 

2011-ci ilin 6 oktyabr günündə Biləsuvar rayon Hərbi Komissarlığından hərbi xidmətə çağırılan Hüseyn Dəmirli nümunəvi əsgər kimi hərbi hissə rəhbərliyi tərəfindən bir neçə dəfə fəxri fərmanla təltif edilib. Hüseyn Dəmirli 2013-cü ildə hərbi xidmətini başa vursada 2014-cü ildə yenidən könüllü olaraq Beyləqan rayonunda yerləşən "N" saylı hərbi hissədə xidmətə başlayıb.

 

Zəfər.Az saytı bildirir ki, kiçik çavuş Hüseyn Dəmirli 2016-cı ilin aprel ayında Azərbaycan-Ermənistan təmas xəttində baş verən "Aprel döyüşləri" zamanı qəhrəmancasına şəhid olub.

 

Aprelin 5-i isə Hüseyn Dəmirli doğulduğu Biləsuvar şəhərində son mənzilə yola salınıb. Dəfn mərasiminə minlərlə şəhər sakini ilə yanaşı, şəhidin qulluq etdiyi hərbi hissənin əsgərləri və zabitləri də qatılıb. Dəfn mərasiminin sonunda yaylım atəşi açılıB və kiçik çavuş Dəmirli uğrunda şəhid olduğu torpağa tapşırılıb.

 

Hüseyn Dəmirli ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilib.