Kiçik çavuş Adil Kamran oğlu Adilzadə

 

DOĞUM TARİXİ:

17.04.1993

 

DOĞUM YERİ:

Azərbaycan, Mingəçevir şəhəri

 

ŞƏHİD OLDUĞU TARİX:

02.04.2016

 

ŞƏHİD OLDUĞU YER:

Ağdərə rayonu, Talış kəndi, Talış yüksəkliyi

 

DƏFN EDİLDİYİ YER:

Mingəçevir şəhəri

 

AİLƏ VƏZİYYƏTİ:

Subay idi

 

TƏLTİF VƏ MÜKAFATLARI: 

  — "Hərbi xidmətdə fərqlənməyə görə" III dərəcəli medalı

 

 

ADİL KAMRAN OĞLU ADİLZADƏ

 

Adil Kamran oğlu Adilzadə 1993-cü ilin 17 aprel günündə Mingəçevir şəhərində anadan olub. Ailənin yeganə övladı olan Adil Adilzadə Mingəçevir şəhərində yerləşən 20 saylı tam orta məktəbi bitirib. Adil Adilzadə Tərtər rayonunda yerləşən "N" saylı hərbi hissədə müddətdən artıq hərbi xidmət keçib.

 

Zəfər.Az saytı bildirir ki, Kiçik çavuş Adil Adilzadə 2016-cı ilin aprel ayında Azərbaycan-Ermənistan təmas xəttində baş verən "Aprel döyüşləri" zamanı qəhrəmancasına şəhid olub. Adil Adilzadə döyüş zamanı 17 erməni hərbçisini məhv edib. Qarşı-qarşıya döyüşlərdə Adil Adilzadə ilə bacarmayan ermənilər onu snayperdən açılan atəşlə qətlə yetirib.

 

Aprelin 11-i isə Adil Adilzadə doğulduğu Mingəçevir şəhərində son mənzilə yola salınıb. Dəfn mərasiminə minlərlə şəhər sakini ilə yanaşı, şəhidin qulluq etdiyi hərbi hissənin əsgərləri və zabitləri də qatılıb. Dəfn mərasiminin sonunda yaylım atəşi açılıb və kiçik çavuş Adilzadə uğrunda şəhid olduğu torpağa tapşırılıb.

 

Adil Adilzadə ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilib.