Gizir Rahim Qara oğlu Tağıyev

 

DOĞUM TARİXİ:

10.11.1979 

 

DOĞUM YERİ:

Azərbaycan, Şəki rayonu, Əliyar kəndi

 

ŞƏHİD OLDUĞU TARİX:

10.07.2016 (02.04.2016-cı il tarixdə "Aprel döyüşləri" zamanı ağır yaralanır)

 

ŞƏHİD OLDUĞU YER:

Silahlı Qüvvələrin Baş Klinik Hospitalı (Ağdərə rayonu, Talış kəndi, Talış yüksəkliyi uğrunda gedən döyüşlərdə ağır yaralanır)

 

DƏFN EDİLDİYİ YER:

Mingəçevir şəhər Şəhidlər Xiyabanı

 

AİLƏ VƏZİYYƏTİ:

Vüsalə Tağıyeva ilə ailəli idi

Ülkər, Nihad və Nicat adlarında övladları bizlərə əmanət qalıb.

 

TƏLTİF VƏ MÜKAFATLARI: 

  — "Hərbi xidmətdə fərqlənməyə görə" III dərəcəli medalı

  — "Azərbaycan Silahlı Qüvvələrinin 10 illiyi" yubiley medalı

  — "Qüsursuz xidmətə görə" III dərəcəli medalı

  — "Azərbaycan Silahlı Qüvvələrinin 90 illiyi" yubiley medalı

  — "Qüsursuz xidmətə görə" II dərəcəli medalı

  — "Azərbaycan Silahlı Qüvvələrinin 95 illiyi" yubiley medalı

 

 

RAHİM QARA OĞLU TAĞIYEV

 

Rahim  Qara oğlu Tağıyev 1979-cu il noyabr ayının 10-da Şəki rayonunun Əliyar kəndində anadan olub. 1998-ci ildə hərbi xidmətə yollanıb, 1999-cu ildə isə onu elə xidmət etdiyi hərbi hissədən gizirlər məktəbinə göndəriblər. Tankçı peşəsini öyrənib. Daha sonra hərbi hissədə tank komandiri vəzifəsinə qədər yüksəlib. Qüsursuz xidməti dövründə dəfələrlə hərbi komandanlıq tərəfindənfəxri fərmanlar və medallarla təltif erdilib.

 

Zəfər.Az saytı bildirir ki, Rahim Tağıyev 2016-cı ilin aprel ayında Azərbaycan-Ermənistan təmas xəttində baş verən "Aprel döyüşləri" zamanı ağır yaralanıb. Başından qəlpə yarası alan Rahim Tağıyev Bakı şəhərində yerləşən Silahlı Qüvvələrin Baş Klinik Hospitalında ölüm ilə mübarizə aparıb. Üç dəfə cərrahi əməliyyat olunan Rahim Tağıyev 3 ay 7 gün koma vəziyyətində qalsada, sonda iyulun 10-u şəhid olub.

 

Elə həmin gün, iyulun 10-u Rahim Tağıyev doğulduğu Mingəçevir şəhərində, Şəhidlər Xiyabanında son mənzilə yola salınıb. Dəfn mərasiminə minlərlə şəhər sakini ilə yanaşı, şəhidin qulluq etdiyi hərbi hissənin əsgərləri və zabitləri də qatılıb. Dəfn mərasiminin sonunda yaylım atəşi açılıb və gizir Tağıyev uğrunda şəhid olduğu torpağa tapşırılıb.

 

Rahim Tağıyev Vüsalə xanım ilə ailəli idi, iki oğul və bir qız övladı bizlərə yadigar qalıb; Ülkər, Nihat və Nicat.