Baş leytenant Cavid Gülbaba oğlu Dədəkişiyev

 

DOĞUM TARİXİ:

05.07.1988 

 

DOĞUM YERİ:

Azərbaycan, İmişli rayonu Qaralar kəndi 

 

ŞƏHİD OLDUĞU TARİX:

02.04.2016

 

ŞƏHİD OLDUĞU YER:

Ağdərə rayonu, Talış kəndi, Talış yüksəkliyi

 

DƏFN EDİLDİYİ YER:

 İmişli rayonu, Qaralar kəndi

 

AİLƏ VƏZİYYƏTİ:

Subay idi

 

TƏLTİF VƏ MÜKAFATLARI: 

  — "Qüsursuz xidmətə görə" III dərəcəli medalı

  — "Azərbaycan Silahlı Qüvvələrinin 95 illiyi" yubiley medalı

  — "İgidliyə görə" medalı

 

 

CAVİD GÜLBABA OĞLU DƏDƏKİŞİYEV

 

Zəfər.Az saytı bildirir ki, Cavid Gülbaba oğlu Dədəkişiyev 1988-ci ilin 5 iyul günündə İmişli rayonunun Qaralar kəndində anadan olub. Ailənin birinci övladı olan Cavid Dədəkişiyevin özündən başqa iki qardaşı və bir bacısı var idi. 2006-cı ildə İmişli rayonunda yerləşən Namiq Abışov adına tam orta məktəbi bitirən Cavid Dədəkişiyev elə həmin il Heydər Əliyev adına Azərbaycan Ali Hərbi Məktəbinə daxil olub. 2008-ci ildə motoatıcı ixtisası üzrə təhsilini davam etdirən Cavid Dədəkişiyev 2010-cu ilin 26 iyun tarixində leytenant rütbəsi alıb. Daha sonra o, 2011-ci ildə Goranboy rayonu ərazisində yerləşən "N" saylı hərbi hissədə xidmətə başlayıb.

 

Baş leytenant Cavid Dədəkişiyev 2016-cı ilin aprel ayında Azərbaycan-Ermənistan təmas xəttində baş verən "Aprel döyüşləri" zamanı qəhrəmancasına şəhid olub.

 

Aprelin 11-i isə Cavid Dədəkişiyev doğulduğu İmişli rayonunun Qaralar kəndində son mənzilə yola salınıb. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatılıb. Dəfn mərasiminin sonunda yaylım atəşi açıldı və baş leytenant Dədəkişiyev uğrunda şəhid olduğu torpağa tapşırılıb.

 

Cavid Dədəkişiyev ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "İgidliyə görə" medalı ilə təltif edilib.