Baş leytenant Elvin Məmməd oğlu Namazov

 

DOĞUM TARİXİ:

07.09.1990 

 

DOĞUM YERİ:

Azərbaycan, Qazax rayonu, Yuxarı Salahlı kəndi 

 

ŞƏHİD OLDUĞU TARİX:

03.04.2016

 

ŞƏHİD OLDUĞU YER:

Ağdərə rayonu, Talış kəndi, Talış yüksəkliyi

 

DƏFN EDİLDİYİ YER:

 Qazax rayonu, Yuxarı Salahlı kəndi

 

AİLƏ VƏZİYYƏTİ:

Nuranə Namazova ilə ailəli idi.

 

TƏLTİF VƏ MÜKAFATLARI: 

  — "Vətən uğrunda" medalı

  — "Azərbaycan Silahlı Qüvvələrinin 95 illiyi" yubiley medalı

 

 

ELVİN MƏMMƏD OĞLU NAMAZOV

 

Zəfər.Az saytı bildirir ki, Elvin Məmməd oğlu Namazov 1990-cı ilin 7 sentyabr günündə Qazax rayonunun Yuxarı Salahlı kəndində anadan olub. 2007-cı ildə Zahid Məmmədov adına Yuxarı Salahlı kənd orta məktəbini bitirən Elvin Namazov 2008-ci ildə Heydər Əliyev adına Azərbaycan Ali Hərbi Məktəbinə daxil olub. 2012-ci ildə həmin ali məktəbi leytenant rütbəsi ilə bitirən Elvin Namazov 2016-cı ildə baş leytenant rütbəsi alıb.

 

Baş leytenant Elvin Namazov 2016-cı ilin aprel ayının 3-də Azərbaycan-Ermənistan təmas xəttində erməni ordusunun hücumunun qarşısının alınması zamanı baş verən şiddətli atışmada qəhrəmancasına şəhid olub.

 

Aprelin 9-u isə Elvin Namazov doğulduğu Qazax rayonunun Yuxarı Salahlı kəndində son mənzilə yola salınıb. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatılıb. Dəfn mərasiminin sonunda yaylım atəşi açılıb və baş leytenant Namazov uğrunda şəhid olduğu torpağa tapşırılıb.

 

Elvin Namazov ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Vətən uğrunda" medalı ilə təltif edilib.