Mayor Vaqif Dilqəm oğlu Bayramov

DOĞUM TARİXİ:

25.12.1979

DOĞUM YERİ:

Azərbaycan, Naftalan şəhəri

ŞƏHİD OLDUĞU TARİX:

04.04.2016

ŞƏHİD OLDUĞU YER:

Ağdərə rayonu, Talış kəndi, Talış yüksəkliyi

DƏFN EDİLDİYİ YER:

Naftalan şəhəri

AİLƏ VƏZİYYƏTİ:

Nuranə xanım ilə ailəli idi

Zeynəb, Aylin və Ümid adlarında üç övladı bizlərə əmanət qalıb.

TƏLTİF VƏ MÜKAFATLARI:

— "Hərbi xidmətdə fərqlənməyə görə" III dərəcəli medalı

— "Qüsursuz xidmətə görə" III dərəcəli medalı

— "Azərbaycan Silahlı Qüvvələrinin 90 illiyi" yubiley medalı

— "Azərbaycan Silahlı Qüvvələrinin 95 illiyi" yubiley medalı

VAQİF DİLQƏM OĞLU BAYRAMOV

Vaqif Dilqəm oğlu Bayramov 1979-cu ilin 25 dekabr günündə Naftalan şəhərində anadan olub. Vaqif Bayramovun qardaşı Mehman Bayramov 1992-ci il 1 iyulda Qarabağ müharibəsində şəhid olub.

Kapitan Vaqif Bayramov 2016-cı ilin aprel ayında Azərbaycan-Ermənistan təmas xəttində baş verən "Aprel döyüşləri" zamanı qəhrəmancasına şəhid olub.

Aprelin 11-i isə Vaqif Bayramov doğulduğu Naftalan şəhərində son mənzilə yola salınıb. Dəfn mərasiminə minlərlə şəhər sakini ilə yanaşı, şəhidin qulluq etdiyi hərbi hissənin əsgərləri və zabitləri də qatılıb. Dəfn mərasiminin sonunda yaylım atəşi açılıb və kapitan Bayramov uğrunda şəhid olduğu torpağa tapşırılıb.

Vaqif Bayramov ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilib.

Vaqif Bayramov ailəli idi, bir oğlu və iki qızı bizlərə yadigar qalıb.