Mayor Aqşin İsmayıl oğlu Abdullayev

 

DOĞUM TARİXİ:

01.10.1982

 

DOĞUM YERİ:

Azərbaycan, Şəki rayonu, Kiş kəndi 

 

ŞƏHİD OLDUĞU TARİX:

25.02.2017

 

ŞƏHİD OLDUĞU YER:

Füzuli-Xocavənd istiqaməti, Nərgiztəpə

 

DƏFN EDİLDİYİ YER:

 Şəki rayonu, Kiş kəndi

 

AİLƏ VƏZİYYƏTİ:

Xuraman xanım ilə ailəli idi

Amin, Ömər və Nərmin adında üç övladı bizlərə əmanət qalıb.

 

TƏLTİF VƏ MÜKAFATLARI: 

  — "Qüsursuz xidmətə görə" III dərəcəli medalı

  — "Azərbaycan Silahlı Qüvvələrinin 90 illiyi" yubiley medalı

  — "Qüsursuz xidmətə görə" II dərəcəli medalı

  — "Azərbaycan Silahlı Qüvvələrinin 95 illiyi" yubiley medalı

 

 

AQŞİN İSMAYIL OĞLU ABDULLAYEV

 

... Aqşin Abdullayev 1982-ci ildə Şəkinin Kiş kəndində anadan olub. Orta məktəbi bitirdikdən sonra Heydər Əliyev adına Azərbaycan Ali Hərbi Məktəbində oxumuş, həmin məktəbi “İnzibati idarəetmə mühəndisliyi” ixtisası  üzrə, leytenant hərbi rütbəsi ilə bitirdikdən sonra 2003, 2004, 2006-cı illərdə Azərbaycan Respublikası Silahlı Qüvvələrinin Təlim və Tədris Mərkəzində hazırlıq kursları keçib.

 

Zəfər.Az saytı bildirir ki, O, 2004-2016-cı illərdə Bakı, Gəncə, Ağcəbədi, Cəlilabad və Masallı şəhərlərində yerləşən hərbi hissələrdə kəşfiyyat qrupunun taqım komandiri, kəşfiyyat bölüyünün komandiri, kəşfiyyat bölüyünün rəisi vəzifələrində xidmət edib, 2016-cı ildən isə Beyləqan rayonunda yerləşən “N” saylı hərbi hissədə xidmətini davam etdirib.

 

2005-ci ildə ona baş leytenant, 2008-ci ildə kapitan, 2013-cü ildə isə mayor hərbi rütbəsi verilib.  

 

Nümunəvi hərbi xidmətinə, döyüş və ictimai-siyasi hazırlığında əldə etdiyi  nailiyyətlərə görə hərbi hissənin komandanlığı tərəfindən dəfələrlə fəxri fərmanlarla təltif edilib, Azərbaycan Respublikası Silahlı Qüvvələrinin “Səmti müəyyənetmə” üzrə birinciliyinə yüksək səviyyədə hakimlik etdiyinə görə Müdafiə Nazirliyinin diplomuna layiq görülüb.

 

2008-ci ildə Azərbaycan Respublikası Silahlı Qüvvələrinin 90 illiyi, 2013-cü ildə Azərbaycan Respublikası Silahlı Qüvvələrinin 95 illiyi yubiley medalı və Qüsursuz  idmətə Görə III dərəcəli medalla, 2015-ci ildə isə  Qüsursuz Xidmətə  Görə II dərəcəli medalla təltif edilib.