Polkovnik-leytenant Sənan Tahir oğlu Axundov

–Axundov Sənan Tahir oğlu 29 sentyabr 1979-cu il tarixdə Füzuli rayonunda anadan olub. –Bakı şəhər 144 saylı tam orta məktəbi bitirib.(1997-ci ildə) –Bakı Ali Hərbi Məktəbi (2001), Almaniyada Hərbi Akademiyanı-alman dilində(2005), Bakı Dövlət Universitetinin hüquq fakültəsini (2009) bitirib. Azərbaycan Respublikası Müdafiə Nazirliyi sistemində əmək fəaliyyətinə başlayıb və Müdafiə Nazirliyində sektor müdiri vəzifəsinədək bir həyat yolu keçib. Aprel hadisələrində böyük həvəs və ruh yüksəkliyi ilə doğulub boya-başa çatdığı Füzuli bölgəsinə gedib və Lələtəpədə vəzifə salahiyyətlərinin icrası zamanı çiyindaşını ölümün pəncəsindən xilas edərək özü qəhrəmancasına şəhid olub.

Müdafiə Nazirliyi sistemində işlədiyi müddətdə şəhid Sənan Axundovun fədəkar əməyi orden-medallar və fəxri fərmanlara layiq görülüb. Ailənin tək oğul övladı, peşəkar hərbiçi Sənan Axundov 19 aprel 2016-cı il tarixdə Beyləqan rayonu ərazisindəki "Həzrəti Cərciz Peyğəmbər" məzarlığında dəfn olunub. Onun xatirəsi Azərbaycan Respublikasının rəhbərliyi və Heydər Əliyev Fondu tərəfindən hər zaman uca tutulub, ədəbiyyat nümayəndələri onun şərəfli həyat yolunu əks etdirən əsərlər yaradıblar.