MAHHXHQ Azad Novruz oğlu Abbasov

Abbasov Azad Novruz oğlu 6 iyul 1977-ci ildə Göygöl rayonunda anadan olub.

Zəfər.Az bildirir ki, 1992-ci ildə Gəncə şəhər 7 nömrəli tam orta məktəbi bitirb, 1992-1995-ci illərdə təhsilini 2 saylı Peşə liseyində (indiki Sənaye və Texnologiyalar üzrə Gəncə Dövlət Peşə Təhsil Mərkəzi) davam etdirib.

1995-ci ildə Səfərbərlik və Hərbi Xidmətə Çağırış üzrə Dövlət Xidmətinin Gəncə Şəhər Kəpəz Rayon Şöbəsindən həqiqi hərbi xidmətə çağrılıb. Müdafiə Nazirliyinin “N” saylı hərbi hissəsində xidmət edib.  

Hərbi xidmətini başa vurduqdan sonra MAHHXHQ kimi fəaliyyətini davam etdirib.

27 sentyabr 2020-ci il tarixində Ermənistan silahlı qüvvələrinin döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə Azərbaycan Ordusunun komandanlığı tərəfindən qoşunlarımızın bütün cəbhə boyu əks-hücum əməliyyatı başlaması barədə qərar Verilib. Azad Abbasov xidmət etdiyi hərbi hissənin tərkibində Azərbaycan Respublikasının ərazi bütövlüyü uğrunda gedən döyüşlərə qatılaraq Kəlbəcər rayonu istiqamətində döyüşüb. 

29 sentyabr 2020-ci il tarixində Murovdağ istiqamətində gedən döyüşlərdə şəhidlik zirvəsinə ucalıb.

19 dekabr 2020-ci ildə Gəncə şəhərinin Şəhidlər xiyabanında dəfn edilib.

Ailəli idi. Dörd övladı Vətənə əmanətdir.