Əsgər Sərvan Natiq oğlu Mehralıyev

 

DOĞUM TARİXİ:

08.07.1997

 

DOĞUM YERİ:

Azərbaycan, Ağdam rayonu, Ballar kəndi

 

ŞƏHİD OLDUĞU TARİX:

02.04.2016

 

ŞƏHİD OLDUĞU YER:

Cəbrayıl rayonu, Cocuq Mərcanlı kəndi, Lələtəpə yüksəkliyi

 

DƏFN EDİLDİYİ YER:

Ağdam rayonu, Üçoğlan kəndi

 

AİLƏ VƏZİYYƏTİ:

Subay idi

 

TƏLTİF VƏ MÜKAFATLARI: 

  — "İgidliyə görə" medalı

 

 

SƏRVAN NATİQ OĞLU MEHRALIYEV

 

Əslən Xocalı rayonundan olan Sərvan Mehralıyev 1997-ci ilin 8 iyul günündə Ağdam rayonunun Ballar kəndində anadan olub. Sərvan Mehralıyev 2014-cü ildə Pirallahı rayonunda yerləşən 186 saylı tam orta məktəbi bitirib.

 

Zəfər.Az saytı bildirir ki, əsgər Sərvan Mehralıyev 2016-cı ilin aprel ayında Azərbaycan-Ermənistan təmas xəttində baş verən "Aprel döyüşləri" zamanı qəhrəmancasına şəhid olub.

 

Aprelin 3-ü isə Sərvan Mehralıyev Ağdam rayonunun Üçoğlan kəndində son mənzilə yola salınıb. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatılıb. Dəfn mərasiminin sonunda yaylım atəşi açılıb və əsgər Mehralıyev uğrunda şəhid olduğu torpağa tapşırılıb.

 

Sərvan Mehralıyev ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "İgidliyə görə" medalı ilə təltif edilib.